_ تليفونك ثم تليفونك ثم تليفونك 😂
يبقي في مكان آمن في شنطتك والهاند فري مايشتغلش الا وانتى راكبة عربية رايحة مكان بعيد وعارفة انك مطولة
ولو المزاج طلب تسمعى اغانى في الشارع وطى الصوت عشان يكون ذهنك حاضر لأى حاجة تحصل فجأة
بدل ماتتشتمى من السواقين اللى بيزمرولك
_ الفلوس تتحط في كذا مكان وتخلى دايما فكة معاكى فى جيب على جنب
_ خدى معاكى ماتيسر من الميكاب تحسبا انك شفتى حد فجأة كنتى هتموتى وتشوفيه 😂😉 والروج يتغطى كويس عشان لو اتفتح وعك الدنيا هنزعل
_ خدى معاكى فلوس بزيادة حتى لو المشوار قريب
_ شاحن الموبايل مايفرقش شنطتك مهما حصل
_ تليفونك شحنه ميقلش عن النص وياريت يبقي في رنات حتى عشان لو اتخطفتى ترنى على الوالد
_ سجلى بابا وجوزى عشان لا قدر الله بعد الشر لو حصل وتعبتى فجأة يتصلوا بيهم
_ وانتى في الشارع صوتك ميعلاش يابنت المستخبي 😂
جو اهلى وحبايبي والمجتمع والناس وانك تمشي توقفي التكاتك كانك أمين شرطة ونهزر مع البياعين وعم محمد ياحرامى والجو ده سمعتك هتبقي في الطين
_ حوادث السرقة بتحصل في غضون ثوانى معدودة فحرصي على فلوسك وشنطك وموبايلك عشان سرعة الحرامى اسرع من سرعة الضوء
_ البسى جزمة مريحة في المشاوير الطويلة 😔
_ خدى معاكى مناديل وبرفيوم وبمبونى وخصوصا في الصيف للناس اللى بيجلها هبوط
_ لو في مكان متعرفيهوش متحسسيش الناس انك تايهة ولو هتسألى على عنوان اسألى أصحاب محلات مش ناس ماشية في الشارع
_ خلى قلم و ورقة صغيرين معاكى فى الشنطة هتحتجيهم
_ لو جايبة كذا حاجة ومعاكى اكتر من شنطة حاولى تقللى الشنط وتحطيهم جوه بعض عشان متنسيش حاجة
_ لو ينفع تنزلى من غير اطفال خير وبركة مينفعش فمتشحطتيش نفسك في مشاوير مهلكة وطلبات كتير
_ انزلى مهندمة حتى لو المشوار بسيط ❤️
يلا كفاية كده 😌😂
#نصايح_بطة 💁
#post_1 🌸
0 التعليقات:
إرسال تعليق